Kinabuhi sa Dalan

Kini ang Kinabuhi sa Dalan...

Sulayag baktas...

Sulayag tan-aw sa gawas sa imong gisakyan...

Og tan-awa...

Mao ba ni ang garbo sa atong siyudad?

O depekto na hantud karon wala pay pangontra...

Dakong DALAN ang pirmi nakong maagian,
Lahi-lahing mga tawo akong masugatan,
Klase-klaseng kinabuhi
imong madiskubrehan,
Dinhi sa DALANG ginahimo na karong pinuy-anan.

Sumala sa mga katigulangan,

DALAN ra kini sa mga sakyanan,

Sa mga tawo nga naga-baktas,

Kini ang ilahang agi-anan.

Apan Karon nag-bag-o na,
Sa DALAN makakita ka nag-giyera,
Makakita kag natulog na wala'y kama,
Og mga bata na tunga sa DALAN mangayog kwarta,

Ang SIDEWALK para unta sa mga tawo,
Nganong tindahan maoy naka-puwesto?
Murag si kinsa silang mga amo,
Nga sa DALAN na unta para sa akoa og imo.






 
Pag-abot sa may DALANG Boulevard
Ako kalit natingala,
Nganung sa siyudad ni-a sila,
Naglatagaw og nanginabuhi,
Ang Lumad natong kaigsuonan.

"Asa ang imohang lisensiya?"
pangutana sa dakog tiyan na buwaya,
Gigawas sa drayber ang sulod sa pitaka,
Nindako ang mata,
Sa dihang masuhulan diay siyag kwarta,







Kahadlukan siya sa mga tawo,
Tanag muagi ginalikayan siyag maayo,
Hugaw siya sa atong tan-aw,
Apan likod sa iyang hulagway,
Kita ang buang,Siya maoy gayung normal.

Napuno og nahiubos na ang mga tawo,
Sa  sistema ni-a atoang gobyerno,
Sa KALSADA gipadayag ang kasuko
Dinhi dapita sa DALANG Ateneo.



Pagsugod sa kangit-ngit,
Lahing kinabuhi imoang masinati,
Mga babaing walay laing panginabuhi,
Kung dili manghatag kalipay karong gabi-ini..

Saksi ang KADALANAN sa panghitabo,

Maadlaw,maudtong tutok o ma-gabii,

Maski unsang okasyon ang paagi,

Dinhi sa DALANG daghag kinabuhi.

I wrote this poem (Visayan version)
intended for the MC7 (TV production) MTV project.
If may time pa,iupload ko din ang MTV namin.
entitled: DALAN